എള്ള് തലേന്നു രാത്രി കുതിര്‍ത്തിയിട്ട് പിറ്റേന്ന് രാവിലെ കഴിയ്ക്കാം, ഇത് കുതിര്‍ത്തണമെന്നു പറയുന്നതിന് കാരണമുണ്ട്
ആരോഗ്യത്തിന് സഹായിക്കുന്നവയില്‍ ചെറിയ വസ്തുക്കള്‍ ധാരാളമുണ്ട്. ഇതില്‍ അടുക്കളയിലെ ചില കൂട്ടുകള്‍ എടുത്തു പറയണം. ഇതില്‍ ഒന്നാണ് എള്ള്. വലിപ്പത്തില്‍ കുഞ്ഞനെങ്കിലും ഇത്ു നല്‍കുന്ന ആരോഗ്യ ഗുണങ്ങള്‍ ചെറുതല്ല. എള്ളുണ്ടയായുമെല്ലാം നാം ഇത് കഴിയ്ക്കാറുമുണ്ട്. ഭക്ഷണത്തില്‍ ഉള്‍പ്പെടുത്തുന്ന ഇത് ദിവസവും കുതിര്‍ത്ത് രാവിലെ വെറും വയറ്റില്‍ കഴിയ്ക്കുന്നത് ചില്ലറ ആരോഗ്യ ഗുണങ്ങളല്ല, നല്‍കുന്നത്. ഇതില്‍ ധാരാളം കാല്‍സ്യം, ഫോസ്ഫറസ്, മഗ്നീഷ്യം എന്നിവ അടങ്ങിയിട്ടുണ്ട്.എള്ളു തന്നെ രണ്ടു വിധത്തിലുണ്ട്. കറുത്ത എള്ളും വെളുത്ത എള്ളും. ഇതില്‍ തന്നെ കറുത്ത എള്ളാണ് ആരോഗ്യപരമായി മുന്‍പന്തിയില്‍ നില്‍ക്കുന്നതെന്നു പറയാം. രാവിലെ വെറും വയറ്റില്‍ ഇത് കഴിയ്ക്കുന്നതാണ് കൂടുതല്‍ ഗുണകരം.
എള്ള് തലേന്നു രാത്രി കുതിര്‍ത്തിയിട്ട് പിറ്റേന്ന് രാവിലെ കഴിയ്ക്കാം. ഇത് കുതിര്‍ത്തണമെന്നു പറയുന്നതിന് കാരണമുണ്ട്. ഇതില്‍ ഫൈറ്റിക് ആസിഡ് അടങ്ങിയിട്ടുണ്ട്. ഇത് ചില പ്രത്യേക ഘടകങ്ങള്‍ ശരീരം ആഗിരണം ചെയ്യുന്നതു തടയുന്നു. ഇതിനുളള നല്ലൊരു പരിഹാരമാണ് എള്ളു കുതിര്‍ത്തി കഴിയ്ക്കുന്നതോ മുളപ്പിച്ചു കഴിയ്ക്കുന്നതോ. എല്ലിന്റെ ആരോഗ്യത്തിന് ഏറെ ഗുണകരമാണിത്. എല്ലുതേയ്മാനം പോലുള്ള രോഗങ്ങള്‍ വരുന്നതു തടയാന്‍ ഇതേറെ ഗുണം നല്‍കും. ഇതില്‍ കാല്‍സ്യവും സിങ്കുമെല്ലാം അടങ്ങിയിട്ടുണ്ട്.ധാരാളം കോപ്പര്‍ അടങ്ങിയ ഒന്നാണ് എള്ള്. ഇതുകൊണ്ടുതന്നെ വാതം പോലുള്ള പ്രശ്‌നങ്ങള്‍ക്കും അത്യുത്തമമാണ്.
Sesame
ആസ്തമ, അലര്‍ജി പ്രശ്‌നങ്ങള്‍ക്കുള്ള നല്ലൊരു പരിഹാരമാണ് കറുത്ത എളള്. ഇതിലെ മഗ്നീഷ്യമാണ് ഈ ഗുണം നല്‍കുന്നത്. എള്ളില്‍ ആന്റിഓക്‌സിന്റുകള്‍ ധാരാളമുണ്ട്. ഇത് ഓക്‌സിഡേറ്റീവ് നാശം കുറയ്ക്കാന്‍ സഹായിക്കും. ഇതുവഴി ലിവറിന്റെ ആരോഗ്യത്തിനും ഉത്തമമാണ്.ലിവറിന്റെ ആരോഗ്യം തകരുന്നത് കാഴ്ചശക്തിയേയും തടസപ്പെടുത്തും. എള്ള് ലിവര്‍ ആരോഗ്യത്തിനു മികച്ചതായതുകൊണ്ടുതന്നെ കാഴ്ചയ്ക്കും ഏറെ നല്ലതാണ്. സ്ത്രീകള്‍ക്ക് ഏറെ ആരോഗ്യകരമാണ് എള്ള്. സ്ത്രീ ജന്യമായ പല വിധത്തിലെ പ്രശ്‌നങ്ങള്‍ക്കുള്ള പരിഹാരമാണിത്.സാധാരണ സ്ത്രീകളെ അപേക്ഷിച്ച് പിസിഒഡി ഉള്ളവരില്‍ വന്ധ്യതാ സാധ്യത പത്തിരട്ടിയാണെന്നു പറയാം. എള്ള് ഈ പ്രശ്‌നത്തിനുള്ള നല്ലൊരു പരിഹാരമാണ്. ആർത്തവ തകരാറുകളെ പരിഹരിക്കാൻ എള്ള് ഏറെ നല്ലതാണ്. ദിവസവും വെറും വയറ്റില്‍ ആര്‍ത്തവ സമയത്ത് എള്ള് കഴിയ്ക്കുന്നത് വയറുവേദന കുറയ്ക്കാന്‍ സഹായിക്കും.
Sesame
കറുത്ത എള്ളില്‍ ആന്റിഓക്‌സിന്റുകള്‍ ധാരാളമുണ്ട്. ഇത് ഓക്‌സിഡേറ്റീവ് നാശം കുറയ്ക്കാന്‍ സഹായിക്കും. ഇതുവഴി ലിവറിന്റെ ആരോഗ്യത്തിനും ഉത്തമമാണ്.എള്ളില്‍ അയേണ്‍ അംശം ധാരാളമുണ്ട്. ഇതുകൊണ്ടുതന്നെ ഇത് വിളര്‍ച്ച പോലുള്ള പ്രശ്‌നങ്ങള്‍ക്കുള്ള സ്വാഭാവിക പരിഹാരവുമാണ്. ദിവസവും ഒരു ടേബിള്‍സ്പൂണ്‍ എള്ള് കുതിര്‍ത്തോ മുളപ്പിച്ചോ കഴിയ്ക്കുന്നതും നല്ലതാണ്. അനീമിയ പോലുളള പ്രശ്‌നങ്ങളെങ്കില്‍ ഇത് കഴിയ്ക്കുന്നത് ഗുണം നല്‍കും. ദഹനേന്ദ്രിയ ആരോഗ്യത്തിനും ഇതേറെ നല്ലതാണ്. ഫൈറ്റോഈസ്റ്ററോളുകള്‍ എന്നിവയുണ്ട്. ഇതുകൊണ്ടുതന്നെ ക്യാന്‍സറടക്കമുള്ള പല രോഗങ്ങള്‍ക്കുമുളള ഉത്തരപരിഹാരമാണിത്.സ്ത്രീകളില്‍ സ്തനാര്‍ബുദ സാധ്യത കുറയ്ക്കാന്‍ സഹായിക്കുന്ന ഒന്നു കൂടിയാണ് എള്ള്. ഇത് ഡിഎന്‍എയ്ക്കുണ്ടാകുന്ന ക്രമക്കേടുകള്‍ തടാനും കോശങ്ങള്‍ക്ക് സംഭവിയ്ക്കുന്ന മാറ്റങ്ങള്‍ തടയാനുമെല്ലാം നല്ലതാണ്. ഇത് കൊളസ്‌ട്രോള്‍ കുറയ്ക്കാന്‍ സഹായിക്കും.പ്രമേഹനിയന്ത്രണത്തിനും കറുത്ത എള്ളു കുതിര്‍ത്തി കഴിയ്ക്കുന്നത് നല്ലതാണ്.