News Archives - Page 6 of 7 - Parabrahma India

നരേന്ദ്ര മോദിക്ക് ജനങ്ങളിലേക്കിറങ്ങാൻ ഭയമുണ്ടോ? പരബ്രഹ്മ്മയുടെ ഇമ്മ്യൂണിറ്റി ബൂസ്റ്റർ പ്രതിരോധത്തിനുപയോഗിക്കണം, നടി ജാസലിൻ കൗർ കൃപാൽ

May 3, 2021News

നരേന്ദ്ര മോദിക്ക് ജനങ്ങളിലേക്കിറങ്ങാൻ ഭയമുണ്ടോ, ആദ്യം പരബ്രഹ്മയുടെ ഈ പ്രതിരോധ ഫോർമുല അദ്ദേഹം ഉപയോഗിക്കട്ടേ, ഈ അവസരത്തിൽ സാന്താക്ളോസ് പോലെ ഇരിക്കരുതേ അങ്ങ്, സുപ്രീം കോടതി പോലും പറഞ്ഞിരിക്കുന്നത് ആയുഷ് മന്ത്രാലയം അംഗീകരിച്ച ചികിൽസാ മാർഗങ്ങൾ കോവിഡ് പ്രതിരോധത്തിനുപയോഗിക്കണം എന്നാണ്‌- സെലിബ്രേറ്റിയും നടിയും ആയ ജാസലിൻ കൗർ കൃപാൽ.

പരബ്രഹ്മ ഇമ്മ്യൂണിറ്റി ബൂസ്റ്റർ കഴിക്കേണ്ട വിധം

പരബ്രഹ്മ ഇമ്മ്യൂണിറ്റി ബൂസ്റ്റർ ഒന്നാമത്തെ ബോട്ടിലിലെ പൗഡർ 5 ലിറ്റർ വെള്ളത്തിൽ 30 മിനിട്ടു തിളപ്പിക്കുക . അതിനു ശേഷം 120 ml വീതം 3 നേരം കഴിക്കുക. ഓരോ പ്രാവശ്യം കഴിക്കുമ്പോഴും ചൂടാക്കി ഉപയോഗിക്കുക. ഒന്നാമത്തെ ബോട്ടിലിന്റെ ഒന്നരഗ്ലാസ്സ് വെള്ളത്തിൽ തിളപ്പിച്ച് ഉപയോഗിക്കുക. ഒന്നാമത്തെ ബോട്ടിലിൽ അവസാനിച്ച ശേഷം രണ്ടാമത്തെ ബോട്ടിലിൽ നിന്നും ഒരു സ്പൂൺ പൗഡർ ഒന്നര ഗ്ലാസ് വെള്ളത്തിൽ തിളപ്പിച്ച് ഒരു ഗ്ലാസ്സായി വറ്റിച്ചു ദിവസം ഒരു നേരം കഴിക്കുക.ശ്രെദ്ധിക്കുക- കോവിഡ് പോസിറ്റീവ് ആയവർ ഓരോ മണിക്കൂർ ഇടവിട്ട് മൂന്നു പ്രാവശ്യം 120 ml വീതം കഴിച്ച ശേഷം 3 മണിക്കൂർ ഇടവിട്ട് പരബ്രഹ്മ ഇമ്മ്യൂണിറ്റി ബൂസ്റ്റർ കഴിച്ചുകൊണ്ടിരിക്കുക.പഥ്യം- പൽ, തൈര്, മോര്, കാപ്പി, നാരങ്ങാ മുതലായ പുലി ഉള്ള ഉത്പന്നങ്ങൾ ഒഴിവാക്കുക.പൂർണ ഫലപ്രാപ്തിക്കുവേണ്ടി പരബ്രഹ്മ്മ ഇമ്മ്യൂണിറ്റി ബൂസ്റ്റർ രണ്ടു ടോസ് ഉപയോഗിക്കുക.

ഔഷധഗുണമുള്ള ഇലഞ്ഞിയെ അറിയാം

May 1, 2021News

ഇന്ത്യൻ ഉപഭൂഖണ്ഡത്തിൽ കണ്ടുവരുന്ന ഒരു വൃക്ഷമാണ്‌ ഇലഞ്ഞി (Mimosops Elengi ഉഷ്ണമേഖലയിൽ കാണപ്പെടുന്ന ഇലഞ്ഞി 20 മീറ്ററിലധികം ഉയരത്തിൽ പടർന്ന ശിഖരങ്ങളോടുകൂടിയ വൃക്ഷമാണ്. അനിഴം നാളുകാരുടെ ജന്മനക്ഷത്ര വൃക്ഷംആണു് ഇലഞ്ഞി. ഇതിന്റെ പഴം ഭക്ഷ്യയോഗ്യമാണ്. വിത്ത്‌ പാകിയും, കമ്പ് കുത്തി പിടിപ്പിച്ചും, വായുവിൽ പതി വെച്ചും പുതിയ തൈകൾ ഉത്പാദിപ്പിക്കുന്നു.ആയുർവ്വേദത്തിൽ ഇലഞ്ഞിയുടെ തൊലിയിൽ നിന്ന് നിർമ്മിക്കുന്ന കഷായം മുഖരോഗങ്ങളുടെ ചികിത്സയ്ക്ക് ഉപയോഗിച്ചിരുന്നു. ഇലയും തോലും ചെറിയ കൊമ്പുകളും ദന്തശുചീകരണത്തിന് ഉപയോഗിച്ചിരുന്നു. ദന്തരോഗത്തിനും വായ്‌നാറ്റത്തിനും ഇലഞ്ഞി നല്ല ഔഷധമാണ് ഇലഞ്ഞി കായ്കളിൽ നിന്ന് ശാസ്ത്രീയമായി വേർതിരിച്ചെടുത്ത 2,3-dihyro-3,3’4’5,7-pentahydroxy flavone C15H10O7 ഉം 3,3’,4’,5,7-pentahydroxy flavone C15H12O7 എന്ന ഫ്ലേവോൺ തന്മാത്രകൾക്ക് ബാക്റ്റീരിയകളെയും വൈറസ്സുകളെയും ചെറുക്കുവാനുള്ള കഴിവുണ്ടെന്ന് തെളിയിക്കപ്പെട്ടിട്ടുണ്ട്. വിത്തിൽ നിന്നും കിട്ടുന്ന എണ്ണ പണ്ട് ആഹാരം പാകം ചെയ്യാൻ ഉപയോഗിച്ചിരുന്നു.

പരബ്രഹ്മ ഇമ്മ്യൂണിറ്റി ബൂസ്റ്റർ കഴിക്കേണ്ട വിധം എങ്ങനെയെന്ന് മനസിലാക്കാം

April 30, 2021News

ശ്രെദ്ധിക്കുക- കോവിഡ് പോസിറ്റീവ് ആയവർ ഓരോ മണിക്കൂർ ഇടവിട്ട് മൂന്നു പ്രാവശ്യം 120 ml വീതം കഴിച്ച ശേഷം 3 മണിക്കൂർ ഇടവിട്ട് പരബ്രഹ്മ ഇമ്മ്യൂണിറ്റി ബൂസ്റ്റർ കഴിച്ചുകൊണ്ടിരിക്കുക.

പഥ്യം- പൽ, തൈര്, മോര്, കാപ്പി, നാരങ്ങാ മുതലായ പുലി ഉള്ള ഉത്പന്നങ്ങൾ ഒഴിവാക്കുക.

പൂർണ ഫലപ്രാപ്തിക്കുവേണ്ടി പരബ്രഹ്മ്മ ഇമ്മ്യൂണിറ്റി ബൂസ്റ്റർ രണ്ടു ടോസ് ഉപയോഗിക്കുക.

കൊവിഡ് രോഗികള്‍ കഴിയ്‌ക്കേണ്ടതും ഒഴിവാക്കേണ്ടതും

April 29, 2021News

കൊവിഡ് രോഗികള്‍ വര്‍ദ്ധിച്ചു വരുന്ന സാഹചര്യമാണ്. എല്ലാവര്‍ക്കും ആശുപത്രി സഹായം ലഭിച്ചെന്നു വരില്ല. പ്രത്യേകിച്ചും നിസാര ലക്ഷണമെങ്കില്‍. ശരീരത്തിന്റെ ആകെയുളള ആരോഗ്യം തകര്‍ക്കുന്ന ഈ രോഗത്തെ പ്രതിരോധിയ്ക്കാന്‍ ഭക്ഷണത്തിന്റെ സഹായം അത്യാവശ്യമാണ്. ഈ സമയത്ത് കഴിയ്‌ക്കേണ്ടതും ഒഴിവാക്കേണ്ടതുമായ പല ഭക്ഷണ വസ്തുക്കളുമുണ്ട്. ഇത് ആരോഗ്യത്തിനും രോഗം വര്‍ദ്ധിയ്ക്കാതിരിയ്ക്കാനും അത്യാവശ്യവുമാണ്. ആദ്യമേ വേണ്ടത് കൊവിഡ് മാറ്റാനുള്ള മരുന്ന് ഇന്ന് ലഭ്യമല്ലെന്ന വാസ്തവം തിരിച്ചറിയുക. ഇതിനാല്‍ തന്നെ പ്രതിരോധം വര്‍ദ്ധിപ്പിയ്ക്കാന്‍ സഹായിക്കുന്ന ഭക്ഷണം അത്യാവശ്യവുമാണ്.

കൊവിഡ് പടര്‍ന്നു പിടിയ്ക്കുന്ന ഈ സാഹചര്യത്തില്‍ കഴിയ്‌ക്കേണ്ടതും ഒഴിവാക്കേണ്ടതുമായി ചിലതുണ്ട്. അമിതമായ മധുരം, ഉപ്പ്, എരിവ്, മസാലകള്‍ എന്നിവ ഒഴിവാക്കണം. കാരണം ശരീരത്തില്‍ മറ്റേതെങ്കിലും രോഗങ്ങളുണ്ടെങ്കില്‍, പ്രത്യേകിച്ചും പ്രമേഹം പോലുള്ള രോഗങ്ങളോ അല്ലെങ്കില്‍ അവയവങ്ങള്‍ക്ക് എന്തെങ്കിലും പ്രശ്‌നങ്ങളോ ഉണ്ടെങ്കില്‍ ഇത്തരം ഭക്ഷണങ്ങള്‍ കോവിഡുള്ളപ്പോള്‍ കഴിച്ചാല്‍ ശരീരത്തിനുള്ളിലെ വീക്കം അധികമാകുകയാണ് ചെയ്യുന്നത്.ഇതു പോലെ ശരീരത്തില്‍ ഇന്‍ഫ്‌ളമേഷന്‍ വര്‍ദ്ധിപ്പിയ്ക്കുന്ന തരം ഭക്ഷണങ്ങള്‍ നാം കഴിയ്ക്കാന്‍ പാടില്ല. പകരം വീക്കം അഥവാ ഇന്‍ഫ്‌ളമേഷന്‍ കുറയ്ക്കാന്‍ സഹായിക്കുന്ന തരം ഭക്ഷണങ്ങള്‍ നമുക്കു കഴിയ്ക്കാം. ഇതില്‍ ഇഞ്ചി, മഞ്ഞള്‍, കറുവാപ്പട്ട, വെളുത്തുള്ളി, പച്ചമുളക്, കുരുമുളക് എന്നിവ നല്ലതാണ്. ഇവ ശരീരത്തിലെ വീക്കം കുറയ്ക്കാന്‍ സഹായിക്കുന്നു. ഇവ നല്ലതെങ്കിലും രാവിലെ വെറുംവയറ്റില്‍ കഴിയ്‌ക്കേണ്ടതില്ല. കൊവിഡ് രോഗികള്‍ ഇവ ഭക്ഷണത്തില്‍ ചേര്‍ത്തു കഴിയ്ക്കുന്നതാണ് നല്ലത്.

പ്രഭാത ഭക്ഷണം പ്രോട്ടീന്‍ സമ്പുഷ്ടമാകാന്‍ ശ്രദ്ധിയ്ക്കുക. ഇഡ്ഢലി, ദോശ, അപ്പം പോലുള്ളവ കഴിയ്ക്കാം. ഇവയ്‌ക്കൊപ്പം പ്രോട്ടീന്‍ ചേര്‍ത്ത് കഴിയ്ക്കാന്‍ ശ്രദ്ധിയ്ക്കുക. വെജിറ്റേറിയന്‍കാര്‍ക്ക് പനീര്‍ പോലുളളവ, കൂണ്‍ പോലുള്ളവ നല്ലതാണ്. ഇതു പോലെ കടല, പയര്‍, പരിപ്പ് എന്നിവ നല്ലതാണ്. പാല്‍ കുടിയ്ക്കാം. ഒരു ഗ്ലാസ് പാലില്‍ ഒരു സ്‌കൂപ് പാല്‍പ്പൊടി കലക്കി കുടിയ്ക്കുന്നത് പ്രോട്ടീന്‍ അളവ് 10 ഗ്രാം വരെ കൂടാന്‍ സഹായിക്കും. ഇതു പോലെ മുട്ട പോലുളളവ നോണ്‍വെജ് കഴിയ്ക്കുന്നവരെങ്കില്‍ കഴിയ്ക്കാം. ഇറച്ചി, മീന്‍ എന്നിവ അധികം മസാലകള്‍ കലര്‍ത്താതെ ഉപയോഗിയ്ക്കാം. തേങ്ങാപ്പാല്‍ ചേര്‍ത്ത് തയ്യാറാക്കാം.കൊവിഡ് സമയത്ത്

തലവേദന സഹിക്കാനാകുന്നില്ലേ, വർദ്ധിച്ചുവരുന്ന ജീവിത സമ്മർദ്ദവും ജോലി സമ്മർദ്ദവും കാരണം ഇന്നത്തെ കാലത്ത് തലവേദന സ്ഥിരം ആരോഗ്യ പ്രശ്നമായ മാറുന്നു

April 28, 2021News

ഏതൊരു വ്യക്തിക്കും തലവേദന ഉണ്ടാക്കുവാൻ ഇന്നത്തെ തിരക്കേറിയ ജീവിതം മതി. വർദ്ധിച്ചുവരുന്ന ജോലി സമ്മർദ്ദം, ട്രാഫിക്, രാത്രി വൈകി ഉറങ്ങുന്ന സ്വഭാവം, സമ്മർദ്ദം എന്നിങ്ങനെ പല പല കാരണങ്ങൾ കൊണ്ട് തലവേദന ഉണ്ടാകുന്നത് വളരെ സാധാരണമാണ്. ചില ആളുകൾക്ക് ദിവസേന തലവേദന അനുഭവപ്പെടുന്നു.തലവേദന വളരെ അസ്വസ്ഥത ഉളവാക്കുന്നതും, ഒപ്പം പ്രവർത്തിക്കാനുള്ള നിങ്ങളുടെ കഴിവിനെ പരിമിതപ്പെടുത്തുകയും സാധാരണ ദിനചര്യ നടത്തുന്നതിൽ തടസ്സം സൃഷ്ടിക്കുകയും ചെയ്യും. തലവേദനയ്ക്കുള്ള മരുന്നുകളുണ്ടെങ്കിലും, നേരിയ തലവേദനയൊക്കെ പലപ്പോഴും ചില ലളിതമായ പരിഹാരങ്ങൾ ഉപയോഗിച്ച് വീട്ടിൽ തന്നെ ചികിത്സിക്കാം. തലവേദനയെ ചികിത്സിക്കുന്നതിനായി അത്തരം 5 ഫലപ്രദമായ പൊടിക്കൈകൾ ഇതാ.

തലവേദന അകറ്റാണോ, പൊടിക്കൈകൾ

ഉറക്കം പ്രധാനം- പലപ്പോഴും, വേണ്ടത്ര ഉറക്കം ലഭിക്കാത്തത് തലവേദനയ്ക്ക് ഒരു സാധാരണ കാരണമാണ്. നിങ്ങളുടെ തലവേദന ഒഴിവാക്കാൻ ദിവസവും 7-9 മണിക്കൂർ മതിയായ ഉറക്കം നേടുക.

നല്ലൊരു മസാജ് ആശ്വാസമേകും- നിങ്ങളുടെ തലവേദന സമ്മർദ്ദവും പിരിമുറുക്കവും കാരണമാകാം ഉണ്ടാകുന്നത്. ഇങ്ങനെയാണെങ്കിൽ, നിങ്ങളുടെ ഞരമ്പുകൾക്ക് വിശ്രമമേകുവാൻ കുറച്ച് മിനിറ്റ് നിങ്ങളുടെ നെറ്റിയിലും നെറ്റിയുടെ വശങ്ങളിലുമായി മസാജ് ചെയ്യാൻ ശ്രമിക്കുക.

തണുത്ത അല്ലെങ്കിൽ ചൂടുള്ള തുണി നെറ്റിയിൽ വെക്കുക- മൈഗ്രേൻ വേദന കുറയ്ക്കുന്നതിന് നെറ്റിയിൽ ഒരു തണുത്ത തുണി ഇടാൻ വിദഗ്ദ്ധർ ശുപാർശ ചെയ്യാറുണ്ട്. ഒരു സമ്മർദ്ദം മൂലമുണ്ടാകുന്ന തലവേദന വരുമ്പോൾ, പ്രശ്ന ബാധിത പ്രദേശത്ത് ഒരു ചൂട് പിടിക്കുന്ന ഹീറ്റിങ് പാഡ് ഉപയോഗിക്കാൻ നിർദ്ദേശിക്കുന്നു.

പ്രോട്ടീനും കൊഴുപ്പും വളരെ കുറവാണ്, വിറ്റാമിൻ എ, സി, ബി കോംപ്ലക്സുകൾ ധാരാളം അടങ്ങിയിട്ടുണ്ട്, അറിയാം പുതിനയുടെ ആരോഗ്യപരമായ ഗുണങ്ങൾ

April 27, 2021News

വളരെക്കാലം മുൻപ് മുതൽ പാചകത്തിനായി ഉപയോഗിക്കുന്ന സസ്യങ്ങളിൽ ഒന്നാണ് പുതിന അഥവാ മിന്റ്. ശ്രദ്ധേയമായ ഔഷധ ഗുണങ്ങളുള്ള ഈ ഇല ഇന്ത്യക്കാർ വിവിധ ഭക്ഷണങ്ങളിലും പാനീയങ്ങളിലും ഉപയോഗിക്കുന്നു. പോളിഫെനോളുകളുടെ സമ്പന്നമായ ഉറവിടമാണ് പുതിന. വ്യത്യസ്തമായ ഒരു രുചിയും സുഗന്ധവും ഇതിനുണ്ട്.“”പുതിനഇലകളിൽ കലോറി കുറവാണ്, പ്രോട്ടീനും കൊഴുപ്പും വളരെ കുറവാണ്. വിറ്റാമിൻ എ, സി, ബി കോംപ്ലക്സുകൾ ധാരാളം അടങ്ങിയിട്ടുണ്ട്. ഇത് പ്രതിരോധശേഷിയും ചർമ്മത്തിന്റെ ആരോഗ്യവും വർദ്ധിപ്പിക്കുകയും ചെയ്യുന്നു. പുദിനയുടെ മറ്റൊരു പോഷകഗുണം, അതിൽ ഇരുമ്പ്, പൊട്ടാസ്യം, മാംഗനീസ് എന്നിവ അടങ്ങിയിട്ടുണ്ട് എന്നതാണ്. അത് ഹീമോഗ്ലോബിൻ വർദ്ധിപ്പിക്കുകയും തലച്ചോറിന്റെ പ്രവർത്തനം മെച്ചപ്പെടുത്തുകയും ചെയ്യുന്നു,” ആർബ്രോ ഫാർമസ്യൂട്ടിക്കൽസ് ഡയറക്ടർ ഡോ സൗരബ് അറോറ പറഞ്ഞു.

പുതിനദഹനത്തെ സഹായിക്കുന്നുവെന്ന് അദ്ദേഹം കൂട്ടിച്ചേർക്കുന്നു. ഇതിന് കാർമിനേറ്റീവ്, ആന്റിസ്പാസ്മോഡിക് ഗുണങ്ങളുണ്ട്. പുതിനചവയ്ക്കുന്നത് ശരീരവണ്ണം, വായുകോപം എന്നിവയിൽ നിന്ന് മോചനം നേടാൻ സഹായിക്കുന്നു. പുദിനയിൽ അടങ്ങിയിരിക്കുന്ന അവശ്യ എണ്ണകൾ പല്ലുവേദന മാറാൻ സഹായിക്കും.

പുദിനയുടെ 10 ആരോഗ്യ ഗുണങ്ങൾ

1. ദഹനത്തെ സഹായിക്കുന്നു – ഭക്ഷണം ആഗിരണം ചെയ്യാൻ എൻസൈമുകളെ സഹായിക്കുന്ന ആന്റിഓക്‌സിഡന്റുകൾ, മെന്തോൾ, ഫൈറ്റോ ന്യൂട്രിയന്റുകൾ എന്നിവ പുഡിനയിൽ അടങ്ങിയിട്ടുണ്ട്. പുഡിനയിലെ അവശ്യ എണ്ണകളിൽ ശക്തമായ ആൻറി ബാക്ടീരിയൽ, ആന്റിസെപ്റ്റിക് ഇഫക്റ്റുകൾ ഉണ്ട്, അത് വയറിലെ മലബന്ധം ശാന്തമാക്കുകയും അസിഡിറ്റിയും വായുകോപവും കുറയ്ക്കുകയും ചെയ്യും.

2. ആസ്ത്മ സുഖപ്പെടുത്താൻ – പതിവായി പുതിനകഴിക്കുന്നത് നെഞ്ചിലെ അമിതഭാരം കുറയ്ക്കും. പുദിനയിലെ മെത്തനോൾ ഒരു ഡീകോംഗെസ്റ്റന്റായി പ്രവർത്തിക്കുന്നു, ഇത് ശ്വാസകോശത്തിൽ ശേഖരിക്കുന്ന കഫം അയവുള്ളതാക്കാൻ സഹായിക്കുന്നു. മാത്രമല്ല മൂക്കിലെ വീർത്ത ചർമ്മങ്ങളെ ചുരുക്കുകയും മെച്ചപ്പെട്ട നിലയിൽ ശ്വസിക്കാൻ സഹായിക്കുകയും ചെയ്യുന്നു. പുതിനഉപയോഗിക്കുമ്പോൾ, നിങ്ങൾ അത് അമിതമായി ഉപയോഗിച്ചിട്ടില്ലെന്ന് ഉറപ്പാക്കുക, അല്ലാത്തപക്ഷം, നിങ്ങളുടെ ശ്വസന പാതയിൽ സുഖക്കുറവ് അനുഭവപ്പെടാം.

3. തലവേദന പരിഹരിക്കുന്നു. പേശികളെ വിശ്രമിക്കാനും വേദന ലഘൂകരിക്കാനും സഹായിക്കുന്ന മെന്തോൾ പുഡിനയിൽ അടങ്ങിയിരിക്കുന്നു. നിങ്ങളുടെ നെറ്റിയിൽ പുതിനനീര് പുരട്ടുന്നത് തലവേദനയിൽ നിന്ന് മോചനം നൽകും. തലവേദന പരിഹരിക്കുന്നതിന് പുതിനബേസ് അല്ലെങ്കിൽ പുതിന എണ്ണയുടെ ബാം ഫലപ്രദമാണ്.

4. സമ്മർദ്ദവും വിഷാദവും കുറയ്ക്കുന്നു – അരോമാതെറാപ്പിയിൽ ഏറ്റവും കൂടുതൽ ഉപയോഗിക്കുന്ന സസ്യമാണ് പുതിന. സമ്മർദ്ദം ലഘൂകരിക്കാനും ശരീരത്തെയും മനസ്സിനെയും നവോന്മേഷപ്രദമാക്കുന്നതിനും സഹായിക്കുന്ന ശക്തമായ, ഉന്മേഷകരമായ ഗന്ധം ഇതിന് ഉണ്ട്. രക്തത്തിലെ കോർട്ടിസോളിന്റെ അളവ് നിയന്ത്രിക്കാൻ പുതിനയുടെ അപ്പോപ്‌ടോജെനിക് പ്രവർത്തനം സഹായിക്കുന്നു, ഇത് സമ്മർദ്ദം ലഘൂകരിക്കുന്നതിന് ശരീരത്തിന്റെ സ്വാഭാവിക പ്രതികരണത്തെ പ്രേരിപ്പിക്കുന്നു. പുദിനയിലെ അവശ്യ എണ്ണകൾ ശ്വസിക്കുന്നത് രക്തത്തിലെ സെറോടോണിൻ തൽക്ഷണം പുറത്തുവിടും. സെറോടോണിൻ ന്യൂറോ ട്രാൻസ്മിറ്ററാണ്, അത് സമ്മർദ്ദത്തിന്റെയും വിഷാദത്തിന്റെയും ലക്ഷണങ്ങൾ ലഘൂകരിക്കും.

5. ശരീരഭാരം കുറയ്ക്കാൻ പ്രോത്സാഹിപ്പിക്കുന്നു – പുദിനയിലെ അവശ്യ എണ്ണകൾ ദഹന എൻസൈമുകളെ ഉത്തേജിപ്പിക്കുകയും പിത്തരസം വർദ്ധിപ്പിക്കുകയും ദഹനത്തെ പ്രോത്സാഹിപ്പിക്കുകയും ചെയ്യുന്നു. ഭക്ഷണത്തിൽ നിന്ന് മെച്ചപ്പെട്ട പോഷകങ്ങൾ ആഗിരണം ചെയ്യാനും ഇത് സഹായിക്കുന്നു. പോഷകങ്ങൾ ശരിയായി സ്വാംശീകരിക്കാനും ആഗിരണം ചെയ്യാനും ശരീരത്തിന് കഴിയുമ്പോൾ, നിങ്ങളുടെ മെറ്റബോളിസം വർദ്ധിക്കുന്നു. ഉപാപചയത്തിലെ ഈ വർദ്ധനവ് ശരീരഭാരം കുറയ്ക്കാൻ പ്രോത്സാഹിപ്പിക്കുന്നു.

6- ചർമ്മത്തെ ആരോഗ്യകരമാക്കുന്നു – ആൻറി-ഇൻഫ്ലമേറ്ററി, ആൻറി ബാക്ടീരിയൽ ഗുണങ്ങൾ ഉള്ള പുതിന മുഖക്കുരു മാറ്റാൻ സഹായകരമാണ്. പുതിന ഇലകളിൽ ഉയർന്ന അളവിൽ സാലിസിലിക് ആസിഡ് അടങ്ങിയിട്ടുണ്ട്. ഇത് മുഖക്കുരുവിന് എതിരായി പ്രവർത്തിക്കുന്നു. ഫലപ്രദമായ ചർമ്മ ശുദ്ധീകരണകാരിയായും ഇത് പ്രവർത്തിക്കുന്നു. ശരീരത്തിൽ നിന്ന് ഫ്രീ-റാഡിക്കലുകളെ നീക്കം ചെയ്ത് തെളിമയും യുവത്വമുള്ളതുമായ ചർമ്മം നേടാൻ സഹായിക്കുന്ന ആന്റിഓക്‌സിഡന്റ് ഗുണങ്ങൾ പുതിനയിലുണ്ട്. പുതിന ചർമ്മത്തിലെ ഈർപ്പം നിലനിർത്തുകയും ചർമ്മത്തിലെ കോശങ്ങളെ നീക്കം ചെയ്യുകയും ചെയ്യുന്നു. ചർമ്മത്തിലെ സുഷിരങ്ങളിൽ നിന്നുള്ള അഴുക്ക് നീക്കം ചെയ്യുകയും ചർമ്മത്തിന് തിളക്കവും നിറവും നൽകുകയും ചെയ്യുന്നു.

7- വായിലെ ശുചിത്വം – വായുടെ ശുചിത്വവും ദന്ത ആരോഗ്യവും മെച്ചപ്പെടുത്തുന്നതിനുള്ള മികച്ച മാർഗമാണ് പുതിന ഇലകൾ ചവയ്ക്കുന്നത്. പുതിനയിലെ അവശ്യ എണ്ണകൾ റിഫ്രഷ് ചെയ്യാൻ സഹായകരമാണ്. കൂടാതെ, കുരുമുളക് എണ്ണ കൂടി അടങ്ങിയ മൗത്ത് വാഷ് ഉപയോഗിക്കുന്നത് വായിലെ ബാക്ടീരിയകളെ കൊല്ലാനും ആരോഗ്യകരമായ മോണകളും പല്ലുകളും നൽകാനും സഹായിക്കും.

8- ഓർമ മെച്ചപ്പെടുത്തുന്നു – “ഗവേഷണ പ്രകാരം, പുഡിനയ്ക്ക് ഓർമശക്തി മെച്ചപ്പെടുത്താനും തലച്ചോറിന്റെ വൈജ്ഞാനിക പ്രവർത്തനം വീണ്ടെടുക്കാനും കഴിയും. പതിവായി പുതിന കഴിക്കുന്നത് ജാഗ്രത, ഓർമ നിലനിർത്തൽ, മറ്റ് വൈജ്ഞാനിക പ്രവർത്തനങ്ങൾ എന്നിവ മെച്ചപ്പെടുത്തുന്നതിലൂടെ തലച്ചോറിന്റെ ശക്തി വർദ്ധിപ്പിക്കും,” സൗരബ് അറോറ പറഞ്ഞു.

9- ജലദോഷത്തിനുള്ള ചികിത്സ – നിങ്ങൾക്ക് ജലദോഷവും ശ്വസിക്കാൻ പ്രയാസവുമുണ്ടെങ്കിൽ, പുതിന അതിനുള്ള മികച്ച പരിഹാരമാണ്. മിക്ക വേപ്പോറബ് ബാമുകളിലും ഇൻഹേലറുകളിലും പുതിന അടങ്ങിയിട്ടുണ്ട്. പുതിന സ്വാഭാവികമായും മൂക്ക് തൊണ്ട, ശ്വാസകോശം, ശ്വാസകോശം എന്നിവിടങ്ങൾ അടഞ്ഞത് ഒഴിവാക്കുന്നു. ശ്വാസകോശ ചാനലുകൾക്ക് പുറമേ, പുതിന വിട്ടുമാറാത്ത ചുമ മൂലമുണ്ടാകുന്ന പ്രശ്നങ്ങളും ലഘൂകരിക്കുന്നു.

10-ഓക്കാനത്തിന്റെ ലക്ഷണങ്ങൾ ലഘൂകരിക്കുന്നു – പ്രഭാത രോഗങ്ങളിളുടെ ഭാഗമായി പലപ്പോഴും സംഭവിക്കുന്ന ഓക്കാനത്തിനുള്ള ഫലപ്രദമായ ചികിത്സയാണ് പുതിന. എല്ലാ ദിവസവും രാവിലെ കുറച്ച് പുതിന ഇലകൾ കഴിക്കുകയോ മണത്തു നോക്കുകയോ ചെയ്യുന്നത് ഗർഭിണികൾക്ക് ഓക്കാനം അനുഭവപ്പെടാതിരിക്കാനോ അല്ലെങ്കിൽ അതിനെ നന്നായി നേരിടാനോ സഹായിക്കും.

ആയുർവേദത്തിൽ ഉപയോഗിക്കുന്ന ഒരു പ്രധാന ഔഷധ സസ്യമാണ് ഇരട്ടി മധുരം, അതിന്റെ പ്രാധാന്യങ്ങളറിയാം

April 26, 2021News

ഒരു വള്ളിച്ചെടിയാണ് ഇരട്ടിമധുരം. (ശാസ്ത്രീയനാമം: Glycyrrhiza glabra). അറേബ്യൻ നാടുകൾ, പാകിസ്താൻ, അഫ്ഗാനിസ്ഥാൻ, ഉത്തരേന്ത്യയിൽ പഞ്ചാബ്, ഹിമാചൽ പ്രദേശ് എന്നിവിടങ്ങളിലും[1], ഹിമാലയസാനുക്കൾ എന്നിവിടങ്ങളിൽ കാണപ്പെടുന്ന ഒരു സസ്യമാണിത്. ഈജിപ്തിലുണ്ടാകുന്ന ഇരട്ടിമധുരമാണ്‌ ഏറ്റവും കൂടുതൽ ഔഷധമൂല്യമുള്ളതെന്ന് കരുതപ്പെടുന്നു[2].വാതം, പിത്തം, ചുമ, പനി, ശ്വാസതടസ്സം, അർബുദം, ത്വക്ക് രോഗങ്ങൾ തുടങ്ങിയ അസുഖങ്ങൾക്ക് ഇരട്ടിമധുരം ഉപയോഗിക്കുന്നു[1]. കൂടാതെ ഘൃതങ്ങൾ, കഷായങ്ങൾ, ചൂർണ്ണങ്ങൾ, എണ്ണകൾ എന്നിവയുടെ നിർമ്മാണത്തിൽ ഇരട്ടിമധുരം ഉപയോഗിക്കുന്നു.

ആയുർവേദത്തിൽ ഉപയോഗിക്കുന്ന ഒരു പ്രധാന ഔഷധ സസ്യമാണ് ഇരട്ടി മധുരം. ഇതിന്റെ സ്വാദ് മധുരത്തിനേക്കാളും നേരം നാവിൽ തങ്ങി നിൽകുന്നതു കൊണ്ടാണ് ഇരട്ടിമധുരം എന്ന പേരു നൽകിയിരിക്കുന്നത്. സംസ്കൃതത്തിൽ യഷ്ടിമധു എന്നാണ് ( അർത്ഥം കമ്പിന്റെ ആകൃതിയിലുള്ള മധു) വയറ്റിലെ പുണ്ണ് ശമിപ്പിക്കാൻ ഇതിന്റെ കഴിവ് ലോകപ്രശസ്തമാണ്. ഇതിൽ അടങ്ങിയിരിക്കുന്ന ഫൈറ്റോ ഈസ്റ്റ്രജനുകൾ ഇതിനെ മെനാപോസ് ഉള്ളവർക്കുള്ള സപ്ലിമെന്റ് സ്ഥാനവും നൽകിയിരിക്കുന്നു. ചോകളേറ്റിനു സ്വാദു നൽകാൻ ഇതിന്റെ സത്ത് ഉപയോഗിക്കുന്നു. ശാസ്ത്രിയനാമം ഗ്ലൈസീറിയ ഗ്ലാബ്ര Glycyrrhiza glabra എന്നാണ്.സംസ്കൃതത്തിൽ ക്ലീതക, അതിരസ, മധുസ്രാവ എന്നും പേരുകൾ ഉണ്ട്. ഹിന്ദിയിൽ മുൽഹടി, മൂലേടി, മീഠി, ജേഠിമധു എന്നും തമിഴിൽ അതിമതുരം എന്നും തെലുങ്കിൽ യഷ്ടിമധുകം എന്നും വിളിക്കുന്നു.

തൊണ്ടയ്ക്കുണ്ടാകുന്ന ഏതൊരസുഖത്തിനും ആയുർവേദ വൈദ്യന്മാർ നിഷ്കർഷിക്കുന്ന ഔഷധമാണ് ഇരട്ടിമധുരം. ഒച്ചയടപ്പ്, തൊണ്ടവേദന , സ്വരശുദ്ധി വരുത്താൻ തുടങ്ങി എന്തിനും ഇരട്ടിമധുരം വളരെ ഫലപ്രദമാണ്. ഇരട്ടിമധുരത്തിന്റെ സ്വാദ് മധുരത്തിനേക്കാളും നേരം നാവിൽ തങ്ങി നിൽകുന്നതു കൊണ്ടാണ് ഇരട്ടിമധുരം എന്ന പേരു നൽകിയിരിക്കുന്നത്. വയറ്റിലെ പുണ്ണ് ശമിപ്പിക്കാൻ ഇതിന്റെ കഴിവ് ലോകപ്രശസ്തമാണ്.വള്ളിച്ചെടിയായി വളരുന്ന ഒരു സസ്യമാണിത്. ഏകദേശം 1.5 മീറ്റർ വരെ ഉയരത്തിൽ വളരുന്ന ഇതിന്റെ ഇലകൾ ചെറുതാണ്‌. ഇലകൾ ഉണ്ടാകുന്ന തണ്ടുകളോട് ചേർന്ന് പൂക്കളുടെ തണ്ടുകളും ഉണ്ടാകുന്നു. തണ്ടുകൾക്ക് ചാരനിറവും മധുരവും ആണുള്ളത്. ഉണങ്ങിയ തണ്ടുകൾക്ക് നേരിയ തോതിൽ അമ്‌ളത്തിന്റെ രുചിയാണുള്ളത്. പൂ കൾക്ക് ഇലകളോടൊപ്പം വീതിയുണ്ട്. ഇതിന്റെ തടിയിലും വേരിലും 5-10% വരെ ഗ്ലൈസിറൈസിൻ എന്ന ഗ്ലൂക്കോസൈഡ്സ് അടങ്ങിയിരിക്കുന്നു. കൂടാതെ പൊട്ടാസിയം സ്റ്റാർച്ച്, സ്നേഹദ്രവ്യങ്ങൾ എന്നിവയും ഉണ്ട്.

എന്തുകൊണ്ട് മഞ്ഞൾ ദിവസവും ആഹാരത്തിൽ ഉൾപ്പെടുത്തണം, മഞ്ഞളിന്റെ ഗുണങ്ങൾ

April 24, 2021News

ഭാരത്തിലെ അടുക്കളകളിൽ ഒഴിച്ച് കൂട്ടാനാവാത്ത ഒന്നായ മഞ്ഞൾ ആയുർവേദ ചികിത്സകളിലും ഒറ്റമൂലി പ്രയോഗങ്ങളിലും മുൻപന്തിയിൽ നിൽക്കുന്നു . ഇഞ്ചിയുടെ വർഗ്ഗത്തിൽ പെട്ട മഞ്ഞളിന്റെ മറ്റൊരു ഇനമാണ് കറുത്ത മഞ്ഞൾ .സാധാരണ മഞ്ഞൾ കൃഷി ചെയ്യുന്ന അതെ രീതിയിൽ തന്നെയാണ് കറുത്ത മഞ്ഞളും കൃഷി ചെയ്യുന്നത് . ഭാരതത്തിന്റെ വടക്ക് കിഴക്കൻ ഭാഗങ്ങളിലാണ് കറുത്ത മഞ്ഞൾ കൂടുതലായി കൃഷി ചെയ്യപ്പെടുന്നത് . പുറം തോടിനു തവിട്ട് നിറമുള്ള കറുത്ത മഞ്ഞളിന്റെ ഉൾഭാഗം നീല കലർന്ന നിറത്തിലാണ് കാണപ്പെടുന്നത് . മഞ്ഞളിനെക്കാൾ കറുത്ത മഞ്ഞളിന്റെ സവിശേഷത അതിനുള്ള കർപ്പൂരത്തിന്റെ സുഗന്ധമാണ് .അപൂർവ സസ്യങ്ങളിൽ പെട്ട ഒന്നായ കറുത്ത മഞ്ഞൾ , ഭാരതത്തിൽ നൂറ്റാണ്ടുകളായി ചികിത്സക്കും മതപരമായ ആചാരങ്ങൾക്കും ഉപയോഗിച്ച് പോരുന്നു .

മറ്റുള്ള മഞ്ഞൾ ഇനങ്ങളെ അപേക്ഷിച്ചു കറുത്ത മഞ്ഞളിൽ കുർക്കുമിന്റെ അളവ് കൂടുതലാണ് . അതിനാൽ തന്നെ ഇത് നല്ലൊരു ആന്റി ഓക്സിഡന്റ് ആയി പ്രവർത്തിക്കുന്നതു മൂലം , ചതച്ചു മുറിവുകളിൽ പുരട്ടുന്നത് അത്യുത്തമമാണ് . കറുത്ത മഞ്ഞൾ ആസ്ത്മ , സന്ധിവാതം , ചുഴലി രോഗം എന്നിവയുടെ ചികിത്സക്ക് ഉപയോഗിക്കുന്ന ഒരു ഔഷധം കൂടിയാണ് .തൊലി കളഞ്ഞ കറുത്ത മഞ്ഞൾ , ഇഞ്ചി , നാരങ്ങ , വെള്ളരി എന്നിവയുടെ കൂടെ ചേർത്ത് കഴിക്കുന്നത് ഉത്തമമാണ് . കറുത്ത മഞ്ഞൾ മുഴുവനായി ഉപയോഗിക്കുന്നതാണ് എപ്പോഴും ഫലപ്രദം . ഉണക്കിയ കറുത്ത മഞ്ഞൾ ആറു മാസം വരെ കേടാകാതെ സൂക്ഷിക്കാൻ സാധിക്കും .ഭാരതത്തിൽ നൂറ്റാണ്ടുകളായി കാളി ദേവിയുടെ പൂജകൾക്കായി കറുത്ത മഞ്ഞൾ ഉപയോഗിച്ച് പോരുന്നു . വടക്കു കിഴക്കൻ ഭാരതത്തിലെ ഗോത്രവർഗ്ഗക്കാർ ദുരാത്മാക്കളെ അകറ്റി നിർത്താനായി ഒരു കഷ്ണം കറുത്ത മഞ്ഞൾ ബാഗിലോ വസ്ത്രത്തിന്റെ അറയിലോ ഇട്ടു നടക്കുക പതിവാണ് .ഭാരതത്തിലും തെക്കുകിഴക്കൻ ഏഷ്യൻ രാജ്യങ്ങളിലും കറുത്ത മഞ്ഞൾ പച്ചയായോ , ഉണക്കിയോ , പൊടി രൂപത്തിലോ വിപണിയിൽ ലഭ്യമാണ് . 2016 ലെ കണക്കനുസരിച്ചു വംശനാശം നേരിടുന്ന വർഗ്ഗമായി കറുത്ത മഞ്ഞളിനെ കൃഷിവകുപ്പ് ഉൾപ്പെടുത്തിയിട്ടുണ്ട് . ഇതിന്റെ ഭാഗമായി ഒഡിഷയിൽ കറുത്ത മഞ്ഞൾ കൃഷി ചെയ്യാനും സംരക്ഷിക്കാനുമുള്ള പദ്ധതികൾ ആരംഭിച്ചിട്ടുണ്ട് .

സർജറി വേണ്ട, ചൊറിച്ചിൽ, അസഹ്യമായ വേദന, ബ്ലീഡിങ് അങ്ങനെ പൈൽസ് നൽകുന്ന ശാരീരിക അസ്വസ്ഥതകൾ ഭേദമാക്കാൻ

April 23, 2021News

നാണക്കേട് ഭയന്ന് പലരും പുറത്തുപറയാൻ പോലും മടി കാട്ടുന്ന ഒരു രോഗമാണ് പൈൽസ് അഥവാ മൂലക്കുരു. ലോകത്തിലെ ഭൂരിഭാഗമാളുകളും ഈ രോഗത്താൽ ബുദ്ധിമുട്ട് അനുഭവിക്കുന്നവരാണ് എന്നാണ് കണ്ടെത്തൽ. കുടലിൽ ഉണ്ടാകുന്ന അനാരോഗ്യസ്ഥിതിയാണ് ഭാവിയിൽ മൂലക്കുരു സംബന്ധമായ പ്രശ്നങ്ങളിലേക്ക് നയിക്കുന്നതെന്ന് പറയപ്പെടുന്നു. മലബന്ധം ബാധിച്ച ആളുകൾ, അമിതവണ്ണമുള്ളവർ അല്ലെങ്കിൽ എപ്പോഴും വയറു വേദനയുള്ളവർ, എന്ന് തുടങ്ങി ഗർഭിണികൾക്കിടയിൽ പോലും ഇത് കൂടുതലായി കണ്ടുവരാറുണ്ട്. ദഹനക്കുറവും ഉദരഭാഗങ്ങിൽ ഉണ്ടാകുന്ന അമിതമായ സമ്മർദ്ദവുമെല്ലാം ഈ രോഗത്തിൻ്റെ അപകടസാധ്യതകളെ വർദ്ധിപ്പിക്കുന്നു.

മൂലക്കുരു ഉണ്ടാകുന്നതിനുള്ള പ്രധാന കാരണം തെറ്റായ ജീവിതശൈലിയും പോഷകങ്ങൾ കുറവുള്ള ഭക്ഷണക്രമവുമാണ്. ഫൈബർ അടങ്ങിയിട്ടില്ലാത്ത ഭക്ഷണങ്ങൾ കൂടുതലായി കഴിക്കുന്നത് മൂലക്കുരുവിൻ്റെ അപകടസാധ്യതകൾ വർദ്ധിപ്പിക്കുന്നു. ശാരീരിക പ്രവർത്തനങ്ങളിൽ ഏർപ്പെടാതിരിക്കുക, വ്യായാമത്തിന്റെ അഭാവം, വെള്ളം കുടി കുറയുന്നത് എന്നിവയെല്ലാം മലബന്ധം കൂടുതൽ വഷളാക്കുന്നതിൻ്റെ കാരണങ്ങളാണ്.

മൂലക്കുരുവിൻ്റെ ലക്ഷണങ്ങൾ പല ആളുകളിലും വ്യത്യസ്തരീതിയിലാണ് അനുഭവപ്പെടാറ്. ചിലരിൽ സഹിക്കാനാവാത്ത വേദന ഉണ്ടാകുകയും മലദ്വാരത്തിലൂടെ രക്തം നഷ്ടപ്പെടുകയും ചെയ്യുമ്പോൾ ചൊറിച്ചിലും മറ്റു അസ്വസ്ഥതകളുമെല്ലാം ഉണ്ടാക്കുന്നു. മൂലക്കുരുവിൻ്റെ പ്രശ്നങ്ങൾ കണ്ടുതുങ്ങുമ്പോൾ തന്നെ നിങ്ങളുടെ ജീവിതശൈലിയിലും ഭക്ഷണ ശീലത്തിലും അല്പം മാറ്റങ്ങൾ കൊണ്ടു വരുകയാണെങ്കിൽ ഭാവിയിൽ വലിയ ചികിത്സകളൊന്നും കൂടാതെ കുറച്ച് ആഴ്ചകൾകൊണ്ട് സ്വാഭാവികമായി ഇത് മാറ്റിയെടുക്കാൻ സാധിക്കും.

സോറിയാസിസ് രോഗിയെ തൊട്ടാല്‍ രോഗം പകരുമോ?, അറിഞ്ഞിരിക്കേണ്ട കാര്യങ്ങൾ, പരബ്രഹ്മ തരുന്നു ശാശ്വത പരിഹാരം

April 22, 2021News

പൊതുജനം തങ്ങള്‍ക്ക് ഒരിക്കലും വരരുതേ എന്നാഗ്രഹിക്കുന്ന, ആവശ്യത്തിലധികം പേടിയോടെ സമീപിക്കുന്ന ത്വക് രോഗങ്ങളില്‍ ഒന്നാണ് സോറിയാസിസ്. അതിനാല്‍ തന്നെ, അത്ഭുത രോഗസൗഖ്യവും അശാസ്ത്രീയചികിത്സാ വാഗ്ദാനപരസ്യങ്ങളും രംഗം കൊഴുപ്പിക്കുന്നു. സോറിയാസിസ് ഒരു പകര്‍ച്ച വ്യാധിയല്ല. സോറിയാസിസ് രോഗിയെ തൊട്ടാലോ, ഒപ്പം താമസിച്ചാലോ രോഗം പകരില്ല.ചര്‍മ്മത്തിലെ കോശങ്ങള്‍ വിവിധ പാളികളിലായാണ് കാണപ്പെടുക. ഇതില്‍ ഏറ്റവും താഴെയുള്ള പാളിയിലുള്ളവയാണ് (basal layer) വിഭജിക്കുന്ന കോശങ്ങള്‍. വിഭജിച്ചുണ്ടാകുന്ന പുതിയ കോശങ്ങള്‍ 28 മുതല്‍ 30 ദിവസം കൊണ്ട് ചര്‍മ്മത്തിന്റെ വിവിധപാളികളിലൂടെ സഞ്ചരിച്ച് ചര്‍മ്മപ്രതലത്തില്‍ എത്തി കൊഴിഞ്ഞു പോകുന്നു. വളരെ പതുക്കെ നടക്കുന്ന ഈ കൊഴിഞ്ഞു പോക്ക് നമ്മുടെ നഗ്‌നനേത്രങ്ങള്‍ കൊണ്ടു കാണാന്‍ കഴിയില്ല. സോറിയാസിസില്‍ ആകട്ടെ ഇതെല്ലാം ദ്രുതഗതിയില്‍ നടക്കുന്നു. വെറും 4 ദിവസം കൊണ്ട് പുതിയ കോശങ്ങള്‍ ചര്‍മ്മപ്രതലത്തില്‍ എത്തി കുന്നുകൂടുന്നു. ഇത് വെള്ളി നിറത്തിലുള്ള വേഗത്തില്‍ ഇളകുന്ന ശല്‍കങ്ങളായി കാണാന്‍ സാധിക്കുന്നു.

ഈ പ്രക്രിയയെ സ്വാധീനിക്കുന്ന ചില ഘടകങ്ങളുണ്ട്

- ജനിതക ഘടകങ്ങള്‍– ഒരാള്‍ക്ക് സോറിയാസിസ് വരാനുള്ള ആജീവനാന്ത സാധ്യത മാതാപിതാക്കളില്‍ ആര്‍ക്കും സോറിയാസിസ് ഇല്ലാത്ത പക്ഷം 4 ശതമാനവും, ഒരാള്‍ക്ക് രോഗമുള്ള പക്ഷം 28 ശതമാനവും, രണ്ടു പേര്‍ക്കും രോഗമുണ്ടെങ്കില്‍ 65 ശതമാനവുമാണ്. പാരമ്പര്യമായി രോഗം കണ്ടു വരുന്നവരില്‍ രോഗാരംഭം നേരത്തെ ആകുവാനും, രോഗം കൂടുതല്‍ തീവ്രസ്വഭാവമുള്ളതാകുവാനുമുള്ള സാധ്യത കൂടുതലാണ്.
- പരിസ്ഥിതി സംബന്ധമായ ഘടകങ്ങള്‍
- അണുബാധ
- ടോണ്‌സിലൈറ്റിസ്, തൊണ്ടയിലെ അണുബാധ
- മരുന്നുകള്‍– വേദനസംഹാരികള്‍, മലേറിയക്കുള്ള മരുന്നുകള്‍, രക്തസമ്മര്‍ദത്തിനുള്ള ചിലയിനം മരുന്നുകള്‍, ലിതിയം
- മാനസിക സംഘര്‍ഷം-80% രോഗികളില്‍ മാനസികസമ്മര്‍ദ്ദം മൂലം സോറിയാസിസ് കൂടുന്നതായും, ഇതില്‍ 20% പേര്‍ മാനസികസംഘര്‍ഷത്തിന് ചികിത്സ സ്വീകരിക്കേണ്ടി വരുന്നതായും പഠനങ്ങള്‍ തെളിയിക്കുന്നു
- പരിക്കുകള്‍/ക്ഷതം
- പുകവലി
- മദ്യപാനം
- സൂര്യപ്രകാശം– സൂര്യരശ്മികള്‍ പൊതുവെ സോറിയാസിസിനു ഫലപ്രദമായ ഒരു ചികിത്സാ രീതിയാണെങ്കിലും, 5-20 ശതമാനം രോഗികളില്‍ ഇതു രോഗം മൂര്‍ച്ഛിക്കാന്‍ കാരണമാകാം. ഇങ്ങനെയുള്ളവരില്‍ സൂര്യരശ്മികളും അള്‍ട്രാ വയലറ്റ് രശ്മികളും ഉപയോഗിച്ചുള്ള ഫോട്ടോതെറാപ്പി ചികിത്സ ചെയ്യാന്‍ പാടുള്ളതല്ല.
- രോഗപ്രതിരോധ പ്രവര്‍ത്തനങ്ങളില്‍ (immunological response) വരുന്ന വ്യതിയാനം-ജനിതകമായ ഘടകങ്ങള്‍ അനൂകൂലമായ ഒരു വ്യക്തി മേല്‍പറഞ്ഞ പരിസ്ഥിതി സംബന്ധമായ ഘടകങ്ങളുമായി സമ്പര്‍ക്കത്തില്‍ വരുമ്പോള്‍ രോഗപ്രതിരോധ പ്രവര്‍ത്തനങ്ങളില്‍ വ്യതിയാനങ്ങള്‍ ഉണ്ടാകുന്നു. ഇതു മൂലം ചര്‍മ്മത്തിലെ കോശങ്ങളുടെ വിഭജനം കൂടുകയും കൊഴിഞ്ഞു പോകല്‍ മന്ദീഭവിക്കുകയും ചെയ്യുന്നു. തല്‍ഫലമായി ചര്‍മ്മപ്രതലത്തില്‍ കോശങ്ങള്‍ അടിഞ്ഞു കൂടി ശല്കങ്ങള്‍ രൂപപ്പെടുന്നു. ഒപ്പം ശ്വേത രക്താണുക്കള്‍ (പ്രധാനമായും ടി ലിംഫോസൈറ്റുകളും ന്യൂട്രോഫിലുകളും) ചര്‍മ്മത്തിലെത്തി തടിച്ച പാടുകള്‍ ഉണ്ടാകുന്നു. ചര്‍മ്മത്തിലെ രക്തക്കുഴലുകള്‍ വികസിക്കുന്നത് തടിപ്പുകള്‍ക്കു ചുവന്ന നിറം നല്‍കുന്നു.

ലക്ഷണങ്ങള്‍

ചൊറിയുക എന്ന അര്‍ഥമുള്ള psora (സോറാ) എന്ന ഗ്രീക്ക് പദത്തില്‍ നിന്നാണ് സോറിയാസിസ് എന്ന വാക്കിന്റെ ഉത്ഭവം. എന്നാല്‍ മറ്റുള്ള പല ത്വക് രോഗങ്ങളെ അപേക്ഷിച്ചു സോറിയാസിസിനു ചൊറിച്ചില്‍ കുറവാണ്. അസഹനീയമായ ചൊറിച്ചില്‍ സോറിയാസിസ് രോഗിയില്‍ കണ്ടാല്‍ ചൊറിച്ചിലിന്റെ മറ്റു കാരണങ്ങള്‍ തേടേണ്ടതുണ്ട്.യൗവ്വനാരംഭത്തിലും അറുപതുകളിലുമാണ് സാധാരണ രോഗാരംഭം കണ്ടു വരുന്നത്.

വിവിധ തരത്തില്‍ സോറിയാസിസ് പ്രകടമാകാം

ക്രോണിക് പ്ലാക് സോറിയാസിസ് (Chronic plaque psoriasis)-80-90% സോറിയാസിസ് രോഗികളും ഈ ഗണത്തില്‍ പെടുന്നു. വ്യക്തമായ അരുകുകള്‍ ഉള്ള വെള്ളി നിറത്തിലെ ശല്‍കങ്ങളോടു കൂടിയ ചുവന്ന തടിപ്പുകള്‍ കൈകാല്‍മുട്ടുകള്‍, നടുവ്, ശിരോചര്‍മ്മം, കൈകാല്‍ വെള്ള എന്നീ ശരീരഭാഗങ്ങളില്‍ കണ്ടു വരുന്നു. അസുഖത്തിന്റെ തീവ്രതയേറുമ്പോള്‍ കൂടുതല്‍ ശരീരഭാഗങ്ങളിലേക്ക് പാടുകള്‍ വ്യാപിക്കുന്നു. ചില പാടുകള്‍ക്കു ചുറ്റും വെളുത്ത വലയം കണ്ടു വരാറുണ്ട്, പ്രത്യേകിച്ച് ചികിത്സ തുടങ്ങിയ ശേഷം. ഇതിനെ വോര്‍നോഫ്‌സ് റിങ്ങ് (Wornoff’s ring) എന്നു പറയുന്നു.പരിക്കുകള്‍ അല്ലെങ്കില്‍ ക്ഷതം ഏല്‍ക്കുന്ന ഭാഗങ്ങളില്‍ ക്ഷതം ഏറ്റ അതേ മാതൃകയില്‍ പുതിയ തടിപ്പുകള്‍ ഉണ്ടാകാം, ഇത് കോബ്‌നര്‍ ഫിനോമിനന്‍ (Koebner phenomenon) എന്നറിയപ്പെടുന്നു. ഈ പ്രതിഭാസം സജീവമായ രോഗത്തിന്റെ (active disease) ലക്ഷണമാണ്.പാടുകള്‍ ശിരോചര്‍മ്മത്തില്‍ മാത്രമായി പരിമിതമായിരിക്കുകയും ആകാം, ഇതാണ് scalp psoriasis. ഈ രോഗാവസ്ഥ താരനായി തെറ്റിദ്ധരിക്കപ്പെടാന്‍ സാധ്യത ഏറെയാണ്. അതു പോലെ തന്നെ, നഖങ്ങളെ മാത്രം ബാധിക്കുന്ന അവസ്ഥ nail psoriasis എന്നും കൈകാല്‍ വെള്ളയെ മാത്രം ബാധിക്കുന്ന രോഗം palmoplantar psoriasis എന്നും അറിയപ്പെടുന്നു. മറ്റുള്ള ഇനം സോറിയാസിസിലും മേല്‍പറഞ്ഞ ഭാഗങ്ങള്‍ മറ്റു ശരീരഭാഗങ്ങളോടൊപ്പം ഉള്‍പ്പെടാം.മടക്കുകളെ ബാധിക്കുന്ന flexural psoriasis, താരന്‍ ഉണ്ടാകുന്ന ശരീരഭാഗങ്ങളായ ശിരോചര്‍മ്മം, പുരികം, മൂക്കിന്റെ വശങ്ങള്‍, ചെവിയുടെ പുറകു വശം, നെഞ്ച്, തോളുകള്‍, കക്ഷം, തുടയിടുക്കുകള്‍ എന്നിവിടങ്ങളെ ബാധിക്കുന്ന സീബോസോറിയാസിസ് (sebopsoriasis) എന്നിവയും സോറിയാസിസ് എന്ന രോഗത്തിന്റെ വകഭേദങ്ങളാണ്.

അക്യൂട്ട് ഗട്ടേറ്റ് സോറിയാസിസ് (acute guttate psoriasis)- ടോണ്‍സിലൈറ്റീസ് പോലെയുള്ള അണുബാധയെ തുടര്‍ന്ന് പൊടുന്നനവെ ശരീരത്തു വെള്ളത്തുള്ളികള്‍ പോലെ ശല്‍കങ്ങളോടുകൂടിയ ചെറിയ ചുവന്ന തടിപ്പുകള്‍ കാണുന്നു. കുട്ടികളിലും യുവാക്കളിലും ആണ് സാധാരണ ഇത്തരം രോഗം കണ്ടു വരുന്നത്. അണുബാധ ഭേദമാകുന്നതോടെ 2-3 മാസം കൊണ്ട് ചര്‍മ്മത്തിലെ പാടുകളും മാറുന്നു. ചെറിയ ശതമാനം രോഗികളില്‍ പിന്നീട് ക്രോണിക് പ്ലാക് സോറിയാസിസ് ഉണ്ടാകാന്‍ സാധ്യതയുണ്ട്.

എരിത്രോടെര്‍മിക് സോറിയാസിസ് (erythrodermic psoriasis)-ത്വക്കിന്റെ 90 ശതമാനത്തില്‍ കൂടുതല്‍ അസുഖം ബാധിച്ചു തീവ്രത കൂടിയ അവസ്ഥയാണിത്. 1-2% രോഗികളില്‍ ഈ അവസ്ഥ ഉണ്ടാകാം.

പസ്റ്റുലാര്‍ സോറിയാസിസ് (pustular psoriasis) ബയോപ്‌സി ചെയ്തു മൈക്രോസ്‌കോപ്പി പരിശോധനയില്‍ കാണാവുന്ന ന്യൂട്രോഫിലുകളുടെ കൂട്ടം എല്ലാത്തരം സോറിയാസിസിന്റെയും ലക്ഷണമാണ്.എന്നാല്‍ രോഗതീവ്രത കൂടുമ്പോള്‍ ഇത് പ്രത്യക്ഷത്തില്‍ നഗ്‌നനേത്രങ്ങള്‍ കൊണ്ടു കാണാനാകുന്ന അവസ്ഥയിലെത്തി ചര്‍മ്മത്തില്‍ പഴുത്ത കുരുക്കള്‍ പ്രത്യക്ഷപ്പെടുന്നു. ഇതാണ് പസ്റ്റുലാര്‍ സോറിയാസിസ്.കൈകാല്‍ വെള്ളകളില്‍ മാത്രം പഴുത്ത കുരുക്കള്‍ പരിമിതമായിരിക്കുന്ന പാമോപ്ലാന്റാര്‍ പസ്റ്റുലോസിസ് (palmoplantar pustulosis) മുതല്‍ ചര്‍മ്മത്തില്‍ ആസകലം പഴുപ്പ് നിറയുന്ന അക്യൂട്ട് ജനറലൈസ്ഡ് പസ്റ്റുലര്‍ സോറിയാസിസ്(acute generalised pustular psoriasis of von Zumbusch) വരെ ഈ വിഭാഗത്തില്‍ പെടുന്നു.തീവ്രതയേറിയ ഇനങ്ങളില്‍ സോറിയാസിസിന്റെ പാടുകളിലോ ചര്‍മ്മത്തില്‍ അല്ലാതെ തന്നെയോ നീറ്റലോടു കൂടി ചുവപ്പ് വീഴുന്നു, താമസിയാതെ ചുവപ്പിനു മീതെ പഴുത്ത കുരുക്കള്‍ രൂപപ്പെടുന്നു. പല കുരുക്കള്‍ ചേര്‍ന്ന് ദേഹമാസകാലം പഴുപ്പിന്റെ പൊയ്കകള്‍ (lakes of pus) തന്നെ രൂപപ്പെടാം. ഇതോടൊപ്പം പനി, ശരീരം വേദന, ന്യൂമോണിയ, മഞ്ഞപ്പിത്തം, രക്തത്തിലെ കൗണ്ടിലും മറ്റു ഘടകങ്ങളിലും വ്യതിയാനം എന്നിവ ഉണ്ടാകാം. സന്ദര്‍ഭോചിതമായ ചികിത്സ ലഭിച്ചില്ലെങ്കില്‍ മരണം വരെയും സംഭവിക്കാം.

സോറിയാറ്റിക് ആര്‍ത്രോപതി (psoriatic arthropathy) ത്വക്കില്‍ സോറിയാസിസ് ഉള്ള 40% ആളുകളില്‍ സന്ധിവേദനയും വീക്കവും ഉണ്ടാകാറുണ്ട്. വാതം എന്നു പറഞ്ഞു തള്ളി കളയുന്ന പല സന്ധി വേദനയും സോറിയാറ്റിക് ആര്‍ത്രൈറ്റിസ് ആകാം.രാവിലെ എഴുന്നേറ്റയുടന്‍ സന്ധികള്‍ ചലിപ്പിക്കാനുള്ള വിഷമതയും വേദനയും ഒരു പ്രധാനലക്ഷണമാണ്. കൈകാല്‍ വിരലുകളുടെ അറ്റത്തെ ചെറിയ സന്ധികളെയാണ് (distal interphalangeal joint) പ്രധാനമായും ഇതു ബാധിക്കുന്നത്. വിരളമായി മറ്റു സന്ധികളെയും നട്ടെല്ലിനേയും സോറിയാറ്റിക് ആര്‍ത്രോപതി ബാധിക്കാം. ഇതോടൊപ്പം ത്വക്കിലും നഖത്തിലും സോറിയാസിസ് ഉണ്ടാകാം.

സങ്കീര്‍ണതകള്‍

എരിത്രോടെര്‍മിക് സോറിയാസിസിലും, പസ്റ്റുലാര്‍ സോറിയാസിസിലും ത്വക്കിന്, ശരീരോഷ്മാവ് നിലനിര്‍ത്തുക, അണുബാധ തടയുക, ജലത്തിന്റെയും ലവണങ്ങളുടെയും സന്തുലനാവസ്ഥ നിലനിര്‍ത്തുക എന്നീ കടമകള്‍ ചെയ്യാന്‍ കഴിയാതെ വന്ന് സെശി ളമശഹൗൃല എന്ന സങ്കീര്‍ണമായ അവസ്ഥയില്‍ എത്തുന്നു. തല്‍ഫലമായി രോഗിക്ക് പനി, കുളിര്, രക്തത്തിലെ ലവണങ്ങളില്‍ വ്യതിയാനം, അപൂര്‍വമായി രക്തത്തില്‍ അണുബാധയുണ്ടാകുന്ന മാരകമായ സെപ്റ്റിസിമിയ (septicemia) എന്ന അവസ്ഥയുമുണ്ടാകാം.സോറിയാസിസ് രോഗികളില്‍ പൊണ്ണത്തടി, പ്രമേഹം, രക്താതിമ്മര്‍ദം,ഹൃദയാഘാതം, പക്ഷാഘാതം, കരള്‍വീക്കം (non -alcoholic steatohepatitis) എന്നിവയ്ക്കുള്ള സാധ്യത കൂടുതലാണെന്ന് പഠനങ്ങള്‍ പറയുന്നു.

പരിശോധന

ലക്ഷണങ്ങളാണ് രോഗനിര്‍ണയത്തിന്റെ ആധാരശില. അതിനാല്‍ തന്നെ മേല്പറഞ്ഞ ലക്ഷണങ്ങള്‍ കണ്ടാല്‍ ഒരു ത്വക് രോഗവിദഗ്ധന്റെ സഹായം തേടേണ്ടത് അത്യന്താപേക്ഷിതമാണ്.ചില സന്ദര്‍ഭങ്ങളില്‍ മാത്രം പരിശോധനകള്‍ ആവശ്യമായി വന്നേക്കാം.ന്യൂട്രോഫിലുകളുടെ കൂട്ടങ്ങളും ,ചര്‍മ്മത്തിലെ വിവിധ പാളികളിലും രക്തക്കുഴലുകളിലും ഉണ്ടാകുന്ന നിശ്ചിത വ്യത്യാസങ്ങളും ത്വക്കിലെ പാടിന്റെ ബയോപ്‌സി പരിശോധനയിലൂടെ തിരിച്ചറിയാന്‍ കഴിയും.പസ്റ്റുലര്‍ സോറിയാസിസ്, എരിത്രോടെര്‍മിക് സോറിയാസിസ് എന്നീ തീവ്രതയേറിയ രോഗാവസ്ഥകളില്‍ രക്തത്തിലെ കൗണ്ട്, ഇ എസ് ആര്‍, കാല്‍ഷ്യം, സോഡിയം, പൊട്ടാഷ്യം, പ്രോട്ടീന്‍, വൃക്കകളുടെയും, കരളിന്റെയും പ്രവര്‍ത്തനം നിശ്ചയിക്കാനുള്ള പരിശോധനകള്‍, പഴുപ്പിന്റെയും, രക്തത്തിന്റെയും കള്‍ച്ചര്‍ എന്നീ പരിശോധനകളും വേണ്ടി വന്നേക്കാം.

ചികിത്സ

ഇടയ്ക്ക് രോഗലക്ഷണങ്ങള്‍ തീവ്രമാവുകയും (Exacerbation) ഇടയ്ക്ക് നന്നായി കുറഞ്ഞു പൂര്‍ണമായും അപ്രത്യക്ഷമാവുകയും (Remission) ചെയ്യുന്നത് ഈ രോഗത്തിന്റെ പ്രധാന സവിശേഷതയാണ്. ഈ പ്രത്യേകത മുതലെടുത്താണ് പല അത്ഭുതരോഗസൗഖ്യ പ്രസ്ഥാനങ്ങളും നിലകൊള്ളുന്നത്.പരിപൂര്‍ണ്ണമായി ചികിത്സിച്ചു മാറ്റാന്‍ കഴിയുന്ന രോഗം അല്ലെങ്കില്‍ കൂടിയും സോറിയാസിസിനു ആധുനിക വൈദ്യശാസ്ത്രത്തില്‍ ഫലപ്രദമായ ചികിത്സാ രീതികള്‍ ലഭ്യമാണ്.ലക്ഷണങ്ങളെ ശമിപ്പിക്കുക, രോഗത്തിന്റെ തീവ്രത കുറയ്ക്കുക, രോഗശമന കാലയളവ് ദീര്‍ഘകാലത്തേക്ക് നീട്ടുക എന്നിവയാണ് ചികിത്സയുടെ പ്രധാന ലക്ഷ്യങ്ങള്‍.രോഗതീവ്രത, രോഗം ബാധിച്ച ഭാഗം (ശിരോചര്‍മ്മം, കൈകാല്‍ വെള്ള, സന്ധികള്‍, നഖം), രോഗിയുടെ പ്രായം എന്നിങ്ങനെ വിവിധ ഘടകങ്ങളെ ആശ്രയിച്ചാണ് ചികിത്സ നിര്‍ണയിക്കപ്പെടുന്നത്.

ചികിത്സാ രീതികള്‍

ലേപനങ്ങള്‍

സ്റ്റിറോയ്ഡ്, കോള്‍ ടാര്‍ തുടങ്ങി നിരവധി ലേപനങ്ങള്‍ ഫലപ്രദമാണ്. തീവ്രത കുറഞ്ഞ പരിമിതമായ ഭാഗങ്ങളെ മാത്രം ബാധിക്കുന്ന അവസ്ഥയില്‍ ലേപനങ്ങള്‍ മാത്രം മതിയാകും.

ഫോട്ടോതെറാപ്പി

അള്‍ട്രാ വയലറ്റ് രശ്മികള്‍ ഉപയോഗിച്ചുള്ള ചികിത്സയാണിത്. സൂര്യപ്രകാശം ഉപയോഗിച്ചോ പ്രത്യേക തരം ഉപകരണങ്ങള്‍ ഉപയോഗിച്ചോ ഈ ചികിത്സ ചെയ്യാം. ചില സന്ദര്‍ഭങ്ങളില്‍ അള്‍ട്രാ വയലറ്റ് രശ്മികളോടുള്ള ചര്‍മ്മത്തിന്റെ പ്രതികരണശേഷി കൂട്ടാനുതകുന്ന ലേപനങ്ങളോ ഗുളികകളോ ഇതോടൊപ്പം ഉപയോഗിക്കാറുണ്ട്.

മരുന്നുകള്‍ (ഗുളികകളും ഇഞ്ചക്ഷനും)

ശരീരത്തിന്റെ രോഗപ്രതിരോധ ശേഷിയെ നിയന്ത്രിക്കുന്ന മരുന്നുകളാണിവ. സോറിയാറ്റിക് ആര്‍ത്രോപതി, എരിത്രോടെര്‍മിക് സോറിയാസിസ്, പസ്റ്റുലാര്‍ സോറിയാസിസ്, ശരീരത്തിന്റെ 10 ശതമാനത്തില്‍ കൂടുതല്‍ ബാധിക്കുന്ന രോഗം, മറ്റു ചികിത്സകള്‍ ഫലപ്രദമല്ലാതെ വരുക എന്നീ അവസ്ഥകളിലാണ് ഇത്തരം ചികിത്സ വേണ്ടി വരുന്നത്. ഈ മരുന്നുകള്‍ കഴിക്കുന്നവരില്‍ കൃത്യമായ തുടര്‍പരിശോധനകള്‍ അനിവാര്യമാണ്.

ജീവിത ശൈലിയിലെ മാറ്റങ്ങള്‍

ഒമേഗാ 3 ഫാറ്റി ആസിഡ് അടങ്ങിയ ഭക്ഷണസാധനങ്ങളും സോറിയാസിസ് കുറയാന്‍ സഹായിക്കും. ഭക്ഷണത്തില്‍ പച്ചക്കറികളും പഴവര്‍ഗങ്ങളും ഉള്‍പ്പെടുത്തണം. ചില രോഗികളില്‍ ഗ്‌ളൂട്ടന്‍ അടങ്ങിയ ഭക്ഷണപദാര്‍ഥങ്ങള്‍ (ഗോതമ്പ്, ബാര്‍ലി മുതലായവ) ഒഴിവാക്കുന്നത് ഫലം ചെയ്തു കാണാറുണ്ട്.കലോറി കുറഞ്ഞ ഭക്ഷണസാധനങ്ങളും, കൃത്യമായ വ്യായാമവും സോറിയാസിസ് രോഗികളില്‍കൂടുതലായി കണ്ടു വരുന്ന പൊണ്ണത്തടി, പ്രമേഹം, രക്താതിമ്മര്‍ദം,ഹൃദയാഘാതം, പക്ഷാഘാതം, കരള്‍വീക്കം (non -alcoholic steatohepatitis) എന്നിവയെ പ്രതിരോധിക്കും.

സോറിയാസിസ് രോഗികള്‍ ശ്രദ്ധിക്കേണ്ട കാര്യങ്ങള്‍

ചര്‍മ്മത്തില്‍ ക്ഷതമേല്‍കാതിരിക്കാന്‍ ശ്രദ്ധിക്കുക.നിരന്തരമായ ഉരസ്സലുകള്‍ ഒഴിവാക്കുക. ഉദാഹരണത്തിന് ശക്തിയായി ചുരണ്ടിയോ ചൊറിഞ്ഞോ ശല്കങ്ങള്‍ ഇളക്കാന്‍ ശ്രമിക്കാതിരിക്കുകചര്‍മ്മം വരണ്ടു പോകാതെ സൂക്ഷിക്കുക. ഇതിനായി മോയ്‌സചറൈസറുകളോ എണ്ണയോ ഉപയോഗിക്കാംടോണ്‍സിലൈറ്റിസ് പോലെയുള്ള അണുബാധ ഉണ്ടായാല്‍ ഉടനടി ചികിത്സ തേടുകപുകവലി, മദ്യപാനം ഒഴിവാക്കുകമാനസ്സികസമ്മര്‍ദ്ദം നിയന്ത്രണ വിധേയമാക്കുകസൂര്യപ്രകാശം മൂലം സോറിയാസിസ് കൂടുന്നു എന്നു കണ്ടാല്‍ അമിതമായി വെയില്‍ കൊള്ളുന്നത് ഒഴിവാക്കുകചികിത്സ ഡോക്ടര്‍ നിര്‍ദേശിച്ച രീതിയില്‍ നിര്‍ദിഷ്ട കാലം തുടരുക.ചുരുക്കി പറഞ്ഞാല്‍, സോറിയാസിസിനെ ഭയക്കേണ്ടതില്ല. അത്ഭുതരോഗസൗഖ്യവാഗ്ദാനങ്ങളില്‍ മോഹിതരാകാതെ സന്ദര്‍ഭോചിതമായ ചികിത്സയിലൂടെ സോറിയാസിസിനെ വരുതിയിലാക്കാം.